МІНСК, 4 чэр — Sputnik. Тыдзень беларускай кухні пройдзе ў Мінску з 11 па 17 чэрвеня, паведамілі ў Галоўным упраўленні спажывецкага рынку Мінгарвыканкама.
Спецыяльныя летнія меню прапануюць 77 кафэ і рэстаранаў сталіцы. Пералік страў і цэны будуць фіксаваны, ежа — прыгатаваная па адзіным рэцэпце.
У меню ўвойдуць: летняя агароднінная салата з хатнім тварагом (3,50 беларускага рубля), халаднік на кефіры з печаным бульбай (2,50 беларускага рубля), мачанка з блінамі (9 рублёў), лапуны з грудзінкай і грыбным соусам (7 рублёў), бярозава-мядовы напой (2 рублі).
Мэта мерапрыемства, якое праходзіць ужо ў 17-ы раз, — папулярызацыя беларускай нацыянальнай кухні.
Спіс устаноў, якія прымаюць удзел у акцыі, можна знайсці на сайце ведамства.
