МІНСК, 11 чэр — Sputnik. У нядзелю днём кіроўца падчас руху па магістралі М1 заўважыў віхор з пяску, які рухаўся ўздоўж трасы.
На сваёй старонцы ў сэрвісе мікраблогаў Twitter кіроўца ўдакладніў, што назіраў незвычайную прыродную з'яву прыблізна ў 60 кіламетрах ад Мінска.
Сегодня мне повезло наблюдать такое по дороге в Минск.😍@tutby pic.twitter.com/bHg6dnRcJF
— Евгений Скрилов:3 (@Skrilusha) 10 июня 2018 г.
Пяшчаны або пыльны віхор звычайна ўзнікае ў гарачае і малавоблачнае надвор'е, калі паверхня зямлі моцна выграваецца сонечнымі прамянямі.
Звычайна такі віхор не бывае вышэй за 20 метраў і шырэй за 2 метры. Жыццё гэтай атмасфернай з'явы надзвычай кароткае — да 2 хвілін.
Хуткасць паветранага патоку ўнутры можа дасягаць 8-10 метраў у секунду, і яму пад сілу падняць толькі каменьчыкі і пясок.
