МІНСК, 12 чэр — Sputnik. Педагог здаў у міліцыю некалькі экспанатаў, што захоўваліся ў школьным музеі, у іх ліку — нямецкі пісталет пачатку ХХ стагоддзя, паведамілі ў Дзяржаўным камітэце судовых экспертыз.
Настаўнік прынёс у РАУС Жабінкаўскага раёна зброю — пісталет невызначанага ўзору, ствол кулямёта і тры ствалы вінтоўкі — каб вызначыць яе прыдатнасць для стральбы.
Пасля правядзення балістычнай экспертызы было вызначана, што з усіх музейных экспантаў баявым з'яўляецца нямецкі пісталет.
"Згодна з заключэннем, пісталетам нявызначанага ўзору з'яўляецца 7,65 мм пісталет Dreyse мадэлі 1907 года, выраблены завадскім спосабам і які з'яўляецца агнястрэльнай зброяй, прыдатнай для стральбы", — паведамілі ў Дзяржкамітэце.
Пісталеты такіх мадэляў выпускаліся да 1915 года адной са зброевых фабрык у Германіі. Іх куплялі для армій Аўстра-Венгрыі і Чэхаславакіі.
Астатнія аб'екты эксперты прызналі непрыдатнымі для стральбы з-за карозіі.
Зараз спецыялісты вызначаюць культурна-гістарычную каштоўнасць пісталета.
