Міжнародны фестываль-конкурс нацыянальных культур, фальклору і сучаснага мастацтва "Платформа" пачаўся ў Мінску 17 чэрвеня.
На фестывалі ўдзельнікі прадстаўляюць нумары ў трох жанрах — харэаграфія, вакал і фальклор. Арганізатарам выступіў Усерасійскі фестывальны рух "Тэрыторыя талентаў".
У фестывалі заяўлены 980 удзельнікаў, 35 дэлегацый з Казані, Мінска, Валакаламска, Хабараўска, Паўднёва-Сахалінска, Ніжняга Ноўгарада, Сочы, Кіраўска, Курска, Бранска, Кастрамы, Цверы і іншых гарадоў. Журы не толькі дасць ацэнку нумарам, але і парады па іх паляпшэнні.
