Футбольныя вечары, прысвечаныя галоўнай спартыўнай падзеі лета, у Sputnik Fan Zone працягваюцца. У аўторак 19 чэрвеня аматары футбола сабраліся ў бровары "Сябры", каб пазаўзець за гульцоў зборнай Расіі і Егіпта. Большасць наведвальнікаў фанзоны аддалі перавагу камандзе бліжэйшых суседзяў, аднак і ў афрыканскай зборнай была свая група падтрымкі.
Першы тайм не парадаваў балельшчыкаў галамі, нягледзячы на тое, што гульня была вельмі напружанай. Затое ў другім тайме каманды кампенсавалі гэта аматарам прыгожай гульні. На 47 хвіліне матчу мяч у свае ж вароты адправіў абаронца егіпцян Ахмед Фатх. На 58-й хвіліне матчу гол у вароты Егіпта забіў паўабаронца Дзяніс Черышаў, а на 62-й — нападаючы Арцём Дзюба.
Адзіны гол у вароты расійскай зборнай забіў самы зорны футбаліст зборнай Егіпта, нападаючы клуба "Ліверпуль" Махамед Салах: на 73-й хвіліне гульні ён рэалізаваў пенальці. Гульня скончылася з лікам 3:1.
Заўзятары ў Sputnik Fan Zone шчыра перажывалі за сваіх фаварытаў: яны напружана ўзіраліся ў экран, уздыхалі, крычалі і смяяліся. Калі ўсё ішло не так, мужчыны хапаліся за галовы, а дзяўчаты хмурылі бровы. Калі гульня ладзілася, і тыя і іншыя сціскалі кулакі і гучна падбадзёрвалі каманды.
У фанзоне панаваў па-сапраўднаму футбольны настрой, эмоцыі зашкальвалі. Некаторыя наведвальнікі адзначылі, што ў арганізатараў фанзоны атрымалася стварыць такую ж атмасферу, якая пануе на стадыёнах падчас матчаў.
