Жыхары Магілёва будуць адзначаць Дзень горада амаль тыдзень: святкаванні пачнуцца 28 чэрвеня і расцягнуцца да наступнага маштабнага дзяржаўнага свята — Дня Незалежнасці. Можна будзе патанчыць на дзесятцы канцэртаў (у тым ліку з вядомымі музыкамі), пацешыцца ў інтэрактыўных зонах і паўдзельнічаць у квэсце. Падрабязная праграма святочных мерапрыемстваў да Дня горада — 2018 у Магілёве — у афішы Sputnik.
Гарадскія мерапрыемствы ў Магілёве
Мерапрыемствы ў рамках Дня горада ў Магілёве пачнуцца ў чацвер 28 чэрвеня: у дзесяць раніцы пройдзе ўскладанне кветак да гарадскіх мемарыялаў і помнікаў. У гадзіну дня стартуе моладзевы патрыятычны квэст, а ў тры — свята на вуліцы Падгорнай.
Пятніца, 29 чэрвеня, будзе багатай на канцэрты: да прыкладу, праграма з музыкай і гульнямі разгорнецца на вуліцы Ямніцкай у 16:00, а ў 20:00 на стадыёне "Спартак" выступяць творчыя калектывы горада, беларускія зоркі і адмысловы госць — Уладзімір Праснякоў.
Суботнія святочныя гулянні пачнуцца апоўдні з тэатралізаванага шэсця па вуліцах Міронава і Першамайскай да плошчы Славы. Багатай на святкаванні лакацыяй стане сквер імя Герцэна: у 12:00 на сцэне загучыць музыка і адкрыецца выстава-кірмаш з вырабамі мясцовых майстроў, пачнуць працу кропкі з пачастункамі.
У самых розных кутках Магілёва стартуюць канцэрты: на вуліцах Прафсаюзнай, Будаўнікоў і Ленінскай, на плошчы Зорак, у Камсамольскім скверы (тут яшчэ будуць функцыянаваць забаўляльныя зоны рознага характару) і на бульвары Непакораных. Вялікі фестываль пройдзе з поўдня да дзесяці вечара на гарадскім пляжы ля Дняпра: гараджан клічуць весяліцца на фестывалях фарбаў і водных ліхтарыкаў, назіраць за выступамі маладзёжных груп.
Галоўныя мерапрыемствы запланаваны на вечар: у 18:00 выступіць ансамбль "Песняры", праз дзве гадзіны ўдасца атрымаць асалоду ад сімфанічнай музыкі. На дзесяць гадзін вечара намечаны канцэрт, у рамках якога выступіць папулярная айчынная група Trubetskoy, а кульмінацыяй стане ўрачысты салют на плошчы Славы, які прабразгае ў 23:00.
Гарадскія святкавання ў Магілёве праводзяць Дзень горада і падвядуць гараджан да бліжэйшага Дню Незалежнасці: 1 і 2 ліпеня ў Магілёве таксама пройдуць спартыўныя спаборніцтвы, гульнявыя праграмы, працягнуць працу інтэрактыўныя пляцоўкі, выступяць музыканты, прабразгае дыскатэка з танцавальнымі DJ-сэтамі на пляжы і збярэ гараджан вулічны кінатэатр на плошчы Зорак.
