Вядомы беларускі фотамастак Ірэна Гудзіеўская прэзентуе прыхільнікам фотамастацтва свой новы праект "Сімвалы Беларусі. У пошуках…", які стаў своеасаблівым працягам вялікай тэмы "Зачараванне", якую аўтар пачала больш за 8 гадоў таму з трох беларускіх сімвалаў "Пушча. Лен. Прыгажуні" і дэманстравала не толькі ў Беларусі, але і ў Еўропе і ЗША.
"Праекту "Зачараваная" ўжо прыкладна 8 гадоў, спачатку ў нас было тры сімвалы — пушча, лён і прыгажуня, мы іх паказалі. А цяпер у нас сабралася ўжо каля 12-13 сімвалаў, якія мы хочам паказаць людзям і расказаць пра іх візуальна", — распавядае Гудзіеўская.
На выставе "Сімвалы Беларусі. У пошуках…" публіцы будзе прадстаўлена каля 80 прац фотамастачкі, надрукаваных на палотнах. Па прызнанні аўтара, новы праект, як і папярэдні, запатрабаваў працяглай падрыхтоўкі і асаблівага натхнення.
"Без усялякага фаташопу і іншай апрацоўкі — гэта прынцыповы падыход, практычна ўсе кадры былі знятыя ў рэальных умовах. Мы выязджалі, напрыклад, у Белавежскую пушчу. Сядзелі 2-3 дні, і калі атрымлівалася 2-3 кадры прывезці, гэта было вялікае шчасце. Ці вось зараз здымалі бусла, я сачыла за ім гады тры. За некаторымі кадрамі прыходзіцца хадзіць год-два, а то і ўсе пяць", — кажа Гудзіеўская.
Адкрыццё новага фотапраекта Ірэны Гудзіеўскай "Сімвалы Беларусі. У пошуках…" адбудзецца ў аўторак, 26 чэрвеня, ў Мастацкай галерэі Міхаіла Савіцкага ў Мінску, пачатак у 18:00. Выстава будзе працаваць да 29 ліпеня.
Поўную версію размовы з фотамастачкай Ірэнай Гудзіеўскай слухайце на радыё Sputnik Беларусь.
