МІНСК, 26 чэр — Sputnik. Аранжавы ўзровень небяспекі аб'яўлены на другую палову дня ў аўторак 26 чэрвеня ў Беларусі, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
У перыяд з 15:00 да 21:00 у заходніх і цэнтральных раёнах краіны чакаюцца навальніцы. Навальнічны фронт закране і сталіцу.
Предупреждение о неблагоприятном явлении по Беларуси и Минску на 26 июня 2018 годаhttps://t.co/UwA383rUsE
— Белгидромет (@belgidromet) 26 июня 2018 г.
_______________________#оранжевыйуровень #минск #беларусь #minsk #belarus #danger #июнь #june #summer #лето #гроза #lightning pic.twitter.com/HpREsEWROi
З серады 27 чэрвеня ападкаў павінна стаць менш. Заўтра на тэрыторыю рэспублікі пачнуць ссоўвацца цёплыя паветраныя масы з Украіны. Яны абумовяць больш цёплае пераважна без ападкаў надвор'е. Толькі па паўднёвым захадзе месцамі пройдуць кароткачасовыя дажджы, днём магчымы навальніцы. Паветра днём у сераду прагрэецца ад +22°С па паўночным захадзе да +29°С па паўднёвым усходзе краіны.
Аранжавы ўзровень небяспекі аб'яўляецца ў Беларусі ў выпадку, калі ўмовы надвор'я могуць прадстаўляць рэальную пагрозу, негатыўна ўплываць на сацыяльна-эканамічную дзейнасць і прыводзіць да значнага матэрыяльнага ўрону, а таксама магчымых ахвяраў сярод насельніцтва.
