У сераду, 27 чэрвеня, намеснік міністра транспарту і камунікацый Беларусі Аляксей Ляхновіч заявіў аб правядзенні перамоў па пытанні прыходу еўрапейскіх лоукост-кампаній у аэрапорт Гродна. Пакуль што бюджэтныя аэраперавозчыкі не могуць прабіцца ў мінскі аэрапорт з-за высокіх і не заўсёды выгадных для іх тарыфаў. У сваю чаргу, беларусы масава аддаюць перавагу лоукостам з аэрапорта Вільнюса.
"Ідэя, звязаная з развіццём рэгіянальных аэрапортаў, правільная, і тут цяжка штосьці абмяркоўваць. Не хацелася б, каб нашы грамадзяне ляцелі на адпачынак з Вільні і Кіева, а маглі рабіць гэта з Гродна ці, скажам, Гомеля. Да таго ж, відавочна Мінтранс мае на ўвазе і развіццё аўтадарогі, і гэта таксама можа прывесці да таго, што хуткасць даезду з Мінска да Гродна стане значна вышэй. Выдатная ідэя", — сказаў Марозаў.
Па словах суразмоўцы, пакуль важным пытаннем застаецца, якія менавіта лоукост-перавозчыкі прыйдуць у Беларусь, паколькі "ў таварышах" няма поўнай згоды наконт кошта, і, напрыклад, Air Baltic значна даражэй сваіх калег з WizzAir або RyanAir, якія прапануюць вельмі танныя ўнутрыеўрапейскія маршруты.
"Туры выхаднога дня або "сіці-брэйкі" наўпрост звязаныя з лоукостэрамі. А Гродна дзякуючы бязвізу ўжо мае вопыт узаемадзеяння з патокамі замежнікаў праз памежныя пераходы. Авіязносіны дапоўняць карціну, і гэта выдатная магчымасць для развіцця тураў выхаднога дня", — дадаў Гулый.
Як стала вядома Sputnik, свае канцэпцыі па развіцці распрацавалі ўсе беларускія малыя аэрапорты. Акрамя Гродна ў дадзены момант разглядаецца магчымасць арыентацыі аэрапорта Брэста на польскі і расійскі напрамкі.
Каментар Дзмітрыя Марозава і Філіпа Гулага слухайце ў аўдыёзапісе радыё Sputnik Беларусь.
