МІНСК, 28 чэр — Sputnik. Помнік савецкім воінам дэмантуюць у горадзе Дамброва-Гурніча на поўдні Польшчы, перадае ў чацвер тэлеканал tvp.
Паводле інфармацыі тэлеканала, для дэмантажу ўжо ўсё падрыхтавана — тэрыторыя вакол помніка абгароджана, спецтэхніка прывезена.
Манумент, які падлягае дэмантажу, уяўляе сабой фігуры двух салдат, якія стаяць на пастаменце. Помнік не знішчаць — яго плануюць перанесці ў музей халоднай вайны. У горадзе застаюцца яшчэ тры помнікі савецкім воінам.
Дэмантаж помнікаў праводзіцца ў рамках закона аб дэкамунізацыі. На працягу 12 месяцаў павінны быць прыбраны помнікі, якія трапляюць пад гэты закон — усяго іх 450, у тым ліку 230 — байцам Чырвонай арміі. Помнікі, якія ўстаноўлены на могілках, зносіць не будуць.
