У міжнародным камерным аркестры "East-West Chamber Orchestra", якім кіраваў Расціслаў Крымер удзельнічаюць лепшыя салісты з Усходняй і Заходняй Еўропы, лаўрэаты прэстыжных конкурсаў імя Чайкоўскага, Паганіні і каралевы Лізаветы, прычым многія з іх граюць на ўнікальных па каштоўнасці музычных інструментах.
"Гэты аркестр існуе, у першую чаргу, дзеля ідэі. Мне бачыцца, што лепшая дыпламатыя — гэта культура. І мы паказваем сваім узроўнем і якасцю, што пляцоўка для перамоваў і дружбы — гэта канцэрт класічнай музыкі найвышэйшага маштабу. У Варне на фестывалі мы будзем граць з выдатным скрыпачом Сяргеем Крыловым двайны канцэрт Фелікса Мендэльсона, а таксама Пятра Чайкоўскага і Антона Арэнскага", — распавёў Крымер.
Канцэрт міжнароднага камернага аркестра "East-West Chamber Orcherstra" на міжнародным фестывалі класічнай музыкі "Варненскае лета" адбудзецца ў пятніцу 29 чэрвеня.
Міжнародны музычны фэст "Варненскае лета" — найстарэйшы фестываль класічнай музыкі ў Балгарыі, які праходзіць з сярэдзіны чэрвеня да канца верасня. Упершыню ён праводзіўся ў 1926 годзе. Праграма "Варненскага лета" ўключае оперу, балет, канцэрты сімфанічных і камерных аркестраў, а з 1993 года яшчэ і навуковыя канферэнцыі.
Гутарку з Расціславам Крымерам слухайце ў аўдыёзапісе радыё Sputnik Беларусь.
