МІНСК, 2 ліп — Sputnik. Дажджы і нават месцамі навальніцы прагназуюць сіноптыкі на святочны аўторак, 3 ліпеня. У Дзень Незалежнасці ў рэспубліцы чакаецца воблачнае надвор'е, на большай частцы тэрыторыі краіны пройдуць дажджы, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У паўночных раёнах краіны днём месцамі магчымыя навальніцы. Ноччу і раніцай у асобных раёнах чакаецца слабы туман. Вецер будзе паўднёва-заходнім умераным, днём — месцамі парывістым.
Тэмпература паветра ноччу і раніцай складзе +7..+12°C градусаў, у другой палове дня пацяплее да +14..+19°C, а ў паўднёва-заходніх раёнах да +21°C.
У Мінску ў аўторак таксама будзе дажджліва, тэмпературу паветра раніцай прагназуюць +11..+13°C, днём +15..+17°C.
