МІНСК, 5 ліп — Sputnik. Шэф-рэдактар Sputnik Латвія Валянцінс Ражанцоўс паведаміў у чацвер РІА "Новости", што быў затрыманы напярэдадні ў Рызе паліцыяй бяспекі і адпушчаны амаль праз 12 гадзін.
"Учора ў 22:40 у Рызе па прылёце з Масквы мяне затрымалі для размовы, як гэта яны назвалі. Пратаколаў не складалася", — распавёў Ражанцоўс.
Паводле яго слоў, рыжскую паліцыю цікавіла яго праца на пасадзе шэф-рэдактара Sputnik Латвія і праца самога рэсурса ў Латвіі.
"Усю ноч я быў у кабінетах супрацоўнікаў паліцыі бяспекі. Мяне адпусцілі сёння раніцай, менш чым праз 12 гадзін. Гэта не лічыцца фармальным затрыманнем у Латвіі", — сказаў ён.
Ражанцоўс з'яўляецца грамадзянінам Латвіі. У Рыгу ён прыляцеў па рабоце.
Раней Нацыянальны савет па электронных СМІ Латвіі выступіў супраць выкарыстання ў СМІ краіны, якія фінансуюцца з дзяржбюджэту, матэрыялаў Sputnik, адзначыўшы, што "трата грошай латвійскіх падаткаплацельшчыкаў на ўмацаванне Sputnik і папулярызацыю яго брэнда — не ў інтарэсах латвійскага грамадства".
Афіцыйны прадстаўнік МЗС РФ Марыя Захарава заявіла, што Латвія ўсё больш ўзмацняе барацьбу з расійскімі СМІ, ставячы пад удар рускамоўную аўдыторыю. Паводле яе слоў, улады прыбалтыйскіх рэспублік працягваюць прытрымлівацца даўно ўзятага курсу на ўшчамленне правоў менавіта расійскіх мас-медыя і барацьбу з расійскімі СМІ.
