Мінск і Масква да 1 жніўня распрацуюць "дарожную карту" па роўмінгу

© Sputnik / Яков Андреев / Перайсці ў медыябанкВышка сотавай сувязі
Вышка сотавай сувязі - Sputnik Беларусь
Падпісацца
Тэма "саюзнага роўмінгу", якую краіны актыўна абмяркоўваюць не першы год, будзе таксама паднятая 10 жніўня ў Смаленску.

МІНСК, 7 ліп — Sputnik. Беларусь і Расія плануюць да 1 жніўня распрацаваць дарожную карту паэтапнага зніжэння тарыфаў на паслугі роўмінгу паміж аператарамі сувязі дзвюх краін, паведаміла Міністэрства сувязі і інфарматызацыі Беларусі.

Паводле інфармацыі ведамства, дадзеная дамоўленасць была дасягнута напярэдадні ў Маскве, дзе прайшлі беларуска-расійскія міжведамасныя перамовы па пытаннях развіцця супрацоўніцтва ў галіне электрасувязі.

Дэлегацыю Беларусі на маскоўскіх перамовах узначаліў міністр сувязі і інфарматызацыі Сяргей Папкоў. Таксама ў складзе беларускай дэлегацыі былі прадстаўнікі РУП "Белтэлекам", аператараў сотавай сувязі.

"Па выніках перамоў бакамі была дасягнута дамоўленасць аб распрацоўцы да 1 жніўня 2018 года "дарожнай карты" паэтапнага зніжэння тарыфаў на паслугі роўмінгу паміж беларускімі і расійскімі аператарамі сувязі", — гаворыцца ў паведамленні, размешчаным на сайце ведамства.

Таксама ў Маскве бакі абмеркавалі тэматыку далейшай гарманізацыі структуры адносін беларускіх і расійскіх аператараў сувязі з мэтай павышэння даступнасці паслуг сувязі ў роўмінгу на тэрыторыі Саюзнай дзяржавы.

Тэма "саюзнага роўмінгу" будзе таксама абмеркавана на пасяджэнні калегій Мінсувязі Беларусь і міністэрства лічбавага развіцця, сувязі і масавых камунікацый Расійскай Федэрацыі 10 жніўня ў Смаленску.

Масква і Мінск другі год актыўна абмяркоўваюць перспектыву адмены роўмінгу паміж дзвюма краінамі. Дадзеную прапанову агучыла кіраўнік Савета Федэрацыі Расіі Валянціна Мацвіенка. Яго таксама падтрымаў прэзідэнт Беларусі Аляксандр Лукашэнка.

Стужка навiн
0