МІНСК, 10 ліп — Sputnik. На Камароўскім рынку з'явіліся ў продажы першыя падасінавікі, паведамілі Sputnik прадстаўнікі прадпрыемства.
"Чакала, чакала і дачакалася. Цяпер у ЦУМ за боцікамі, трапяткое афіцыйнае ў двух радках "прашу даць" і з цеплынёй у пятках падкормліваць папуляцыю камароў. Першыя падасінавікі… Добрай раніцы", — паведамілі ў афіцыйным запісе Камароўскага рынку ў сацсетцы.
На рынку хваляваліся: невядома, як баравікі і падасінавікі перажылі засуху ў пачатку лета, яны могуць не з'явіцца зусім. Аднак грыбнікі наведвальнікаў рынку ўсё ж парадавалі: сёння невялікае вядзерца свежых першых падасінавікаў абыйдзецца беларусам у 15 рублёў, купіць іх можна толькі ў адным месцы.
Як паведамілі ў адміністрацыі Камароўкі, лісічкі тут па-ранейшаму прадаюць толькі паўлітровымі шклянкамі (па цане прыкладна ў 6 рублёў). Кілаграмамі іх можна сустрэць усяго на некалькіх кропках рынку не танней за 17 рублёў.
Папаўненні ў мясцовым грыбным асартыменце чакалі пасля дажджоў яшчэ на мінулым тыдні. Па словах тутэйшых грыбнікоў, хутка "лісічак будзе валам", іх можна будзе шукаць на прылаўках па 5 рублёў за кілаграм.
