МІНСК, 11 ліп — Sputnik. Работнікаў калгаса "Радзіма" стымулююць весці здаровы лад жыцця і вяртацца пасля вучобы ў родную гаспадарку. Аб гэтым прэзідэнту Беларусі Аляксандру Лукашэнку распавёў старшыня калгаса "Радзіма" Аляксандр Лапацентаў падчас візіту кіраўніка дзяржавы ў Бялыніцкі раён, паведамляе БелТА.
Па словах старшыні калгасу, тым, хто вядзе здаровы лад жыцця, даплочваюць 10% ад заробку. "Спачатку з падобнай ідэі смяяліся, а цяпер у нас 85% работнікаў не паляць", — адзначыў Лапацентаў.
Сярэдняя зарплата ў гаспадарцы складае 973 рублі.
Тым, хто прыязджае працаваць у калгас і працуе добрасумленна, першыя два гады аплачваюць камуналку, лепшыя вучні гаспадаркі атрымліваюць стыпендыю за добрую вучобу.
Калі маладыя спецыялісты прыязджаюць у гаспадарку пасля вучобы, ім плацяць пад'ёмныя, даюць беспрацэнтную пазыку ў 2,5 тысячы рублёў, якую можна не аддаваць, калі адпрацаваў на прадпрыемстве 5 гадоў. Каб утрымаць моладзь на вёсцы, маладым людзям, што яшчэ не дасягнулі 35 гадоў, у гаспадарцы даплочваюць 10% ад заработнай платы.
Зараз у СВК працуюць 292 чалавекі. Сярэдні ўзрост работнікаў калгасу — 44 гады.
Аляксандр Лапацентаў узначальвае калгас "Радзіма" з 1981 года. Ён узнагароджаны ордэнам Працоўнага Чырвонага Сцяга, ордэнам Айчыны III ступені, яму прысвоена званне заслужанага работніка сельскай гаспадаркі Беларусі.
