МІНСК, 12 ліп — Sputnik. Аляксандр Лукашэнка 12 ліпеня паўдзельнічае ва ўрачыстай цырымоніі, на якой адкрыецца XXVII Міжнародны фестываль мастацтваў "Славянскі базар у Віцебску", паведамілі ў прэс-службе прэзідэнта.
Па традыцыі, на адкрыцці прэзідэнт Беларусі будзе ўручаць спецпрыз. У гэтым годзе ўзнагароду "Праз мастацтва — да міру і ўзаемаразумення" з рук Аляксандра Лукашэнкі атрымае народная артыстка Казахстана Роза Рымбаева.
У ходзе ўрачыстых мерапрыемстваў на адкрыцці "Славянскага базару ў Віцебску" беларускі лідар уручыць і прыз "Ліра". Ён дастанецца ўладальніку Гран-пры XVI Міжнароднага дзіцячага музычнага конкурсу "Віцебск".
