Прэснаводныя медузы — маленькія істоты: памер дарослай асобіны не перавышае двух сантыметраў, таму знайсці іх у вадзе не так лёгка. Аднак нядаўна спецыялісты змаглі знайсці іх у Вяслярным канале Брэста, а цяпер — і ў рацэ Мухавец.
"З'яўленне такіх медуз — загадка яшчэ з 1980 года, калі яны ўпершыню былі выяўленыя ў Лондане. Радзіма прэснаводных медуз — Паўднёвая Амерыка, і як яны патрапілі на іншы кантынент, дакладна пазнаць немагчыма", — распавёў Sputnik намеснік дырэктара Палескага аграрна-экалагічнага інстытута НАН Беларусі Віктар Дзямянчык.
Зрэшты, версіі з'яўлення медуз у Брэсце ёсць. Напрыклад, яны маглі быць занесены разам з акварыўмнымі водарасцямі. "Уладальнікі сур'ёзных акварыўмаў з такім часам сутыкаюцца — нечакана заўважаюць у вадзе медузу", — адзначыў навуковец. Маглі быць прывезены медузы ў Брэст і спартсменамі — варыянтаў вельмі шмат.
Ууу эти милашки не опасные, а выполняют роль санитаров 😍
— Helena (@helengovin15) 12 июля 2018 г.
Наконец то в бресте что то хорошее появилось)
Па словах Дзямянчык, медузы адчуваюць у вадаёмах Брэста сябе вельмі камфортна: актыўна размножыліся у Вяслярным канале і патрапілі ў Мухавец. Усе ўмовы для іх добра падыходзяць: лёгкая плынь, чыстая вада, дастаткова высокая тэмпература.
"Да вечара дакладна ў Польшчы будзе, у Заходнім Бугу", — адзначыў біёлаг.
Зрэшты, шанцаў на з'яўленне гэтага віду медуз ў іншых вадаёмах Беларусі няшмат: для іх можа быць дастаткова холадна.
"Да восені гэтая папуляцыя дакладна дажыве, а потым дзе-небудзь затрымаецца на ўзроўні гідроідных паліпаў, калі ў нейкім субстраце не вельмі халодным пратрымаецца, то можа і ў наступным годзе з'явіцца", — паведаміў Дзямянчык.
Паводле яго слоў, прэснаводныя медузы бяспечныя. Больш за тое, з'яўляюцца індыкатарам чысціні вады — там, дзе яны жывуць, мала водарасцяў і амаль няма кішэчных палачак.
У цэлым жа, адзначыў навуковец, у Брэсце апошнія гады часта сустракаюцца біялагічныя "сюрпрызы". Так, ужо тры гады жыве амерыканскі паласаты рак. Пяць гадоў захоўваецца папуляцыя крымскіх слімакоў. Сустракалі і іншых трапічных істот — палачнікаў. "Кожны год у нас ёсць экалагічная знаходка", — сказаў на заканчэнне эксперт.
