ВІЦЕБСК, 13 ліп — Sputnik. У чацвер на сцэне Летняга амфітэатра прайшла цырымонія адкрыцця фестывалю "Славянскі базар". На мерапрыемстве беларускі прэзідэнт Аляксандр Лукашэнка ўручыў прэміі Саюзнай дзяржавы ў галіне літаратуры і мастацтва. Адным з яе ўладальнікаў стаў выбітны харэограф Валянцін Елізар'еў.
"Канцэрт у цэлым мяне вельмі ўразіў. Але мне здаецца, ён быў даўгаваты. 3,5 гадзіны… Увага прытупляецца. Я думаю, адкрыццё павінна мець нейкі накірунак. Усе нельга ў адным вечары змясціць — народнае мастацтва, сучасна-акадэмічнае мастацтва, папсу і гэтак далей. Усе пастаўлены не ў роўныя ўмовы", — заявіў Елізар'еў.
"Я думаю, павінен быць асобны вечар, прысвечаны, ці што, сур'ёзнаму мастацтву. Я кажу пра свае асабістыя ўражанні — калі на трэцяй гадзіне апухае галава, калі перапонкі лопаюцца ад вельмі вялікіх дэцыбел. Часам цішыня або ціхая музыка вырабляе значна большы рух у душы і сэрца", — дадаў ён.
Елізар'еў асабліва падкрэсліў, што не крытыкуе мерапрыемства, а выказваеце сваё прыватнае бачанне.
На цырымоніі адкрыцця выступілі зоркі з розных краін, у прыватнасці, уругвайская спявачка Наталля Арэйра, расійскія артысты Мікалай Баскаў, Ірына Аллеграва і іншыя.
