МІНСК, 19 ліп — Sputnik. Парадку 76% кліматычнай нормы ападкаў выпала ў Беларусі ў першым паўгоддзі 2018-га, паведаміла журналістам начальнік сектара метадычнага забеспячэння гідраметэаралагічных прагнозаў Белгідрамета Наталля Клявец.
Надвор'е ў канцы вясны і пачатку лета ў краіне была засушлівым: на недахоп ападкаў скардзіліся і аграрыі, і батанікі, і простыя грамадзяне.
"У першым паўгоддзі 2018 года на ўсёй тэрыторыі Беларусі адчуваўся недабор ападкаў. У сярэднім па краіне выпала 223 міліметры, што складае 76% ад кліматычнай нормы", — распавяла Клявец.
Адрознівалася надвор'е ў першым паўгоддзі і раннім прыходам лета: так, ужо ў канцы красавіка ў Беларусі пачалося кліматычнае лета — сярэднясутачная тэмпература паветра перавысіла +14 градусаў.
"Тэмпература паветра за першае паўгоддзе 2018 года склала ў сярэднім па краіне плюс 5,6 градуса. Гэта вышэй за кліматычную норму на 0,9 градуса", — удакладніла прадстаўнік Белгідрамета.
Апошні тыдзень у рэспубліцы захоўваецца дажджлівае надвор'е. Па дадзеных сіноптыкаў, захаваецца яно і ў пачатку наступнага тыдня.
