МІНСК, 20 ліп — Sputnik. Аранжавы ўзровень небяспекі аб'яўлены на пятніцу 20 ліпеня, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Цёплае надвор'е, якое суправаджаецца аднак ліўнямі і парывістым ветрам, захоўваецца ў рэспубліцы ўжо некалькі дзён. У пятніцу сіноптыкі зноў абвясцілі ў Беларусі аранжавы (перадапошні) узровень небяспекі.
"У дзённы час 20 ліпеня на большай частцы тэрыторыі рэспублікі чакаюцца навальніцы, у асобных раёнах моцныя ліўні і шквалістае ўзмацненне ветру парывамі да 15-20 м/с. У Мінску ўдзень чакаецца навальніца", — паведамілі ў Белгідрамеце.
Па дадзеных сіноптыкаў, надвор'е на тэрыторыі краіны ў пятніцу стануць вызначаць атмасферныя франты і цёплая няўстойлівая паветраная маса, будзе воблачна з праясненнямі. Тэмпература ўначы і раніцай складзе +14… 19°С, а ўдзень паветра прагрэецца да +21… 27°С.
