МІНСК, 23 ліп — Sputnik. Тэлевядучая Ганна Бонд пераплыла праліў Басфор, на гэта ёй спатрэбілася 1 гадзіна 38 хвілін.
Пра намер удзельнічаць у штогадовым міжнародным заплыве праз праліў Бонд паведамляла на сваёй старонцы ў сацыяльнай сетцы Instagram некалькі месяцаў таму. Тэлевядучая ўклалася ў патрэбны час — 2 гадзіны. Адлегласць у 6,5 кіламетраў яна пераадолела за 1 гадзіну і 38 хвілін.
"Я стала міжкантынентальным плыўцом з вынікам 6,5 км за 1 гадзіну 38 хвілін (ліміт 2 гадзіны)", — напісала Бонд і падзякавала ўсім, хто яе падтрымліваў.
Юбілейны 30-ы заплыў праз праліў, які падзяляе Азію і Еўропу, арганізаваны Нацыянальным алімпійскім камітэтам Турцыі, прайшоў 22 ліпеня. Усяго ў ім узялі ўдзел 2400 чалавек з розных краін свету, з іх 17 — з Беларусі. Рэгістрацыя на заплыў штогод адкрываецца 4 студзеня, і, як правіла, квоты для замежных удзельнікаў разбіраюцца вельмі хутка. Кошт удзелу складае 120 еўра.
Пераможцам заплыву сярод мужчын у гэтым годзе стаў плывец з Турэцкай рэспублікі Паўночнага Кіпра Дагукан Улач, які адолеў дыстанцыю за 46 хвілін і 58 секунд, з жанчын — турчанка Хілал Зейнеп Сарач з вынікам 50 хвілін і 30 секунд.
Упершыню заплыў праз Басфор адбыўся ў 1989 годзе, тады ў ім прынялі ўдзел 68 плыўцоў.
