БАРЫСАЎ, 26 ліп — Sputnik. Дамашняя сустрэча барысаўскага клуба БАТЭ з фінскім ХІКам на "Барысаў-Арэне" ў сераду завяршылася нулявой нічыёй, перадае карэспандэнт Sputnik.
Каманды гулялі ў рамках другога кваліфікацыйнага раўнду Лігі чэмпіёнаў.
Падапечныя Аляксея Багі падчас матчу так і не змаглі рэалізаваць шэраг добрых галявых момантаў як у першым, так і другім тайме. А фінскія апаненты, здавалася, пад канец гульні проста цягнулі час. Камандам не дапамаглі і дададзеныя арбітрам пяць хвілін. Вынік матчу — 0:0.
Каманды згуляюць зноў у Хельсінкі 1 жніўня.
