МІНСК, 30 ліп — Sputnik. Беларускія вайскоўцы працягваюць паказваць высокія вынікі на этапах "Армейскіх гульняў 2018", якія прымаюць палігоны ў сямі краінах свету, паведамілі Sputnik у Міністэрстве абароны рэспублікі.
Напярэдадні адны з традыцыйных фаварытаў "танкавага біятлону" — беларусы — паказалі першы вынік у індывідуальных заездах, абыграўшы экіпажы з Сірыі і Таджыкістана. Аднак гэта не адзіны высокі вынік беларускіх вайскоўцаў на "АрМГ-2018".
Расійскі горад Дзімітраў прымае адзін з этапаў гульняў — "Верны сябар". У намінацыі "Дог-біятлон" першымі сталі беларускія кінолагі, падзяліўшы перамогу з камандай з Кітая, якая набрала такую ж колькасць балаў. Другімі сталі расіяне, трэцімі — кінолагі з Егіпта.
Спецыялісты радыяцыйна-хімічнай бяспекі спаборнічаюць на палігоне пад Кастрамой. У этапе пад назвай "Бяспечнае наваколле" беларускія разведчыкі паказалі другі вынік, саступіўшы толькі камандзе з Расіі.
Другое месца таксама заваявалі беларускія вайскоўцы і ў этапе "Атлет" у рамках конкурсу ваенна-прафесійнага майстэрства, які праходзіць у армянскім горадзе Дыліжан.
"АрМГ-2018" праходзяць з 28 ліпеня па 11 жніўня, гульні прымаюць сем краін, сярод якіх і Беларусь. Беларускія вайскоўцы прымаюць удзел у 16 конкурсах.
