МІНСК, 30 ліп — Sputnik. Аранжавы — перадапошні — узровень небяспекі аб'яўлены ў Беларусі з-за спякоты, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Сезон ліўняў і навальніц у Беларусі змяніўся спякотай: спецыялісты папярэдзілі суайчыннікаў пра тое, што днём у панядзелак паветра прагрэецца да 32 градусаў цяпла па паўднёвым захадзе краіны. Аранжавы ўзровень небяспекі быў абвешчаны ў краіне і на нядзелю.
У гэты дзень рэспубліка апынецца на перыферыі скандынаўскага антыцыклону. Гарачае надвор'е ў гэты дзень чакаецца на большай частцы тэрыторыі Брэсцкай, Гродзенскай, Мінскай і Гомельскай абласцей.
У асобных раёнах краіны 30 ліпеня чакаюцца кароткачасовыя дажджы, месцамі магчымыя нават навальніцы, якія будуць суправаджацца парывістым ветрам. Ноччу тэмпература складзе +15..+21°С, па паўночным усходзе днём будзе крыху халадней — паветра прагрэецца да +26°С.
