МІНСК, 1 жні — Sputnik. Надзвычайны і Паўнамоцны Пасол Рэспублікі Беларусь у Венгрыі Аляксандр Хайноўскі атрымаў вышэйшую ўзнагароду краіны — Камандорскі крыж, паведамілі ў дыппрадстаўніцтве.
"Намеснік Дзяржаўнага сакратара Міністэрства замежных спраў і знешняга гандлю Венгрыі Жоўт Чутара ўручыў Аляксандру Хайноўскаму Ордэн Заслуг Венгрыі (Камандорскі крыж за грамадзянскія заслугі)", — гаворыцца ў паведамленні амбасады.
Ордэн паслу ўручылі па распараджэнні прэзідэнта Янаша Адэра за значны ўклад у развіццё двухбаковага супрацоўніцтва, палітычных, эканамічных і культурных адносін.
Amb.Khainouski after receiving Commander’s Cross of the Order of Merit of #Hungary: this high state award is an acknowledgment of our close and friendly bilateral relations, I also see it as recognition of collective efforts by our Embassy in #Budapest since its establishment pic.twitter.com/sQED5Modfn
— BY Embassy in HU (@BYEmbassy_HU) 31 июля 2018 г.
Па словах Чутары, гэтая дзяржаўная ўзнагарода сведчыць пра высокі ўзровень узаемадзеяння паміж Беларуссю і Венгрыяй і з'яўляецца прызнаннем асабістага ўкладу пасла ва ўмацаванне сувязяў паміж краінамі.
Ордэн Заслуг Венгрыі быў зацверджаны ў 1922 годзе як вышэйшая ўзнагарода Вугорскага каралеўства. Атрыманы Хайноўскім Камандорскі крыж — узнагарода 3-й ступені.
