МІНСК, 3 жні — Sputnik. Віцебская вобласць падымецца на ногі за кошт таго, што ў яе ёсць, выказаў упэўненасць прэзідэнт Беларусі ў ходзе візіту ў Міёрскі раён.
Паводле яго слоў, у гэтай сітуацыі ўсім трэба зыходзіць з бягучага становішча спраў і таго, што ёсць.
"Надыйшоў час Віцебскай вобласці падымацца на ногі за кошт таго, што ў яе тут сканцэнтравана", — даў наказ Аляксандр Лукашэнка. Пасля чаго даў просты савет, што сеяць трэба тое, што дае большы ўраджай у гэтых умовах.
"Тут кожны раён павінен вызначыцца, зыходзячы з кліматычных умоў, проста звычак людзей, што сеяць", — патлумачыў сваю думку кіраўнік дзяржавы.
Віцебскай вобласці неабходна развіваць жывёлагадоўлю, на што і звярнуў увагу беларускі прэзідэнт, а ў прыклад ён паставіў калгас "Радзіма" ў Бялыніцкім раёне на Магілёўшчыне.
На думку кіраўніка дзяржавы, там створаны простыя і максімальна спрыяльныя ўмовы для развіцця жывёлагадоўлі.
