МІНСК, 5 жні — Sputnik. Развітанне с раптоўна пайшоўым з жыцця лідарам гурта "Нейра Дзюбель" Аляксандрам Кулінковічам адбудзецца ў нядзелю 5 жніўня на Паўночных могілках.
Лідар папулярнага беларускага рок-гурта памёр раніцай у суботу 4 жніўня. Напярэдадні ён быў дастаўлены ў бальніцу з вострай пнеўманіяй, на наступны дзень 46-гадовага музыку перавялі ў рэанімацыйнае аддзяленне, аднак медыкі, на жаль, не змаглі выратаваць яму жыццё.
Як паведамілі Sputnik музыкі гурта "Нейра Дзюбель", развітанне з Кулінковічам адбудзецца ў нядзелю 5 жніўня ў жалобным зале крэматорыя, размешчанага на Паўночных могілках Мінска.
Пачатак грамадзянскай паніхіды запланаваны на 15:00.
Зараз шматлікія прыхільнікі творчасці Кулінковіча пакідаюць каментары са спачуваннямі на яго старонцы ў Facebook. Пераважная большасць людзей піша пра тое, што музыка сышоў з жыцця занадта рана і яшчэ многае мог бы зрабіць у музыцы.
