МІНСК, 6 жні — Sputnik. Завяршыўся шэраг конкурсаў у рамках міжнародных вайсковых гульняў АрМГ-2018, у якіх беларускія вайскоўцы занялі высокія месцы, паведамілі Sputnik у Мінабароны рэспублікі.
Напярэдадні ў Волжскім завяршыўся этап "Інжынерная формула", дзе беларусы па выніках занялі другое месца, саступіўшы толькі расиянам. Срэбра ў нашых ваенных і па выніках конкурсу "Воін садружнасці", першае месца — у каманды з Казахстана. Разведчыкі РХБ таксама прывезлі медаль за другое месца з конкурсу "Бяспечнае асяроддзе".
Трэцяе месца занялі беларускія кінолагі па выніках конкурсу "Верны сябар". Наперадзе толькі ваенныя спецыялісты з Расіі і КНР.
Сярод прэтэндэнтаў на медалі беларусы і ў шэрагу конкурсаў, якія яшчэ працягваюцца. Па выніках двух этапаў "Снайперскай мяжы", якую прымае Беларусь, гаспадары ўтрымліваюць другую пазіцыю. У фінал "Палявы кухні" выйшлі і беларускія спецыялісты. Нашы артылерысты пакуль знаходзяцца на другім месцы ў конкурсе "Майстры артылерыйскага агню". Другія пазіцыі і ў беларускіх сувязістаў і аператараў беспілотнікаў.
Тры перамогі на рахунку ў беларускіх экіпажаў і ў "танкавым біятлоне". Беларусы выйгралі ўсе тры індывідуальныя заезды, цяпер іх чакае бітва ў эстафеце.
