МІНСК, 6 жні — Sputnik. Вышэйшыя навучальныя ўстановы завяршаюць прыёмную кампанію 2018 года — у панядзелак з'явяцца фінальныя спісы студэнтаў-першакурснікаў.
Уступная кампанія доўжылася ў рэспубліцы з пачатку лета: пасля здачы цэнтралізаванага тэсціравання абітурыенты падавалі дакументы спачатку на бюджэтнае аддзяленне, затым — на платнае.
Нарэшце, падача дакументаў на платную форму навучання завяршылася ў мінулую суботу. Ужо ў панядзелак ВНУ падвядуць вынікі прыёмнай кампаніі і абвесцяць спісы залічаных на першы курс.
У цэлым конкурсы і прахадныя балы у 2018 годзе не моцна адрозніваліся ад леташніх, хоць у многіх абітурыентаў былі асцярогі: у гэтым годзе ўпершыню маглі паступаць хлопцы з сертыфікатамі ЦТ мінулага года. Самыя высокія прахадныя балы, традыцыйна, склаліся на звязаныя з міжнароднымі адносінамі спецыяльнасці, а таксама на шэраг напрамкаў медыцынскага і IT-профіляў.
Уступная кампанія ў гэтым годзе будзе працягвацца толькі для абітурыентаў, якія выбралі вучобу на завочнай форме навучання ва ўніверсітэтах сельскагаспадарчага профілю — там уступныя іспыты пройдуць з 6 па 15 снежня.
