Матч футбольных клубаў "Дынама-Мінск" і "Зяніт" (Санкт-Пецярбург) прайшоў напярэдадні ў Мінску і завяршыўся перамогай мінчан (4:0). Сталічны стадыён "Дынама" ўпершыню пасля рэканструкцыі прымаў матч такога ўзроўню.
Фанаты піцерскага клуба, нягледзячы на тое, што былі ў меншасці — каля 2,5 тысяч чалавек — вельмі актыўнічалі як да матчу, так і падчас яго. Да самой гульні частка заўзятараў прайшла арганізаванай калонай да стадыёна ў суправаджэнні міліцыі. Фанаты піцерцаў, якія з усіх бакоў рухаліся да арэны, не ўтрымаліся і запалілі фаер, аднак іх перформанс доўжыўся лічаныя секунды, і шлях да стадыёна завяршыўся без эксцэсаў.
На самім стадыёне заўзятары "Зяніта" актыўна падтрымлівалі сваю каманду, нават перакрыкваючы фанатаў "Дынама", якіх было значна больш. Загадзя падрыхтаваныя крычалкі і нават песні вылучалі расійскіх заўзятараў на трыбунах. Аднак незадаволеныя гульнёй піцерцаў фанаты ўсё ж запалілі фаеры пасля прыкра прапушчаных мячоў.
Паводле інфармацыі ГУУС, падчас матчу ўсё ж былі затрыманыя 16 заўзятараў, 14 з іх — грамадзяне Расіі. Аднак пасля складання адміністрацыйных пратаколаў усе былі адпушчаныя.
