МІНСК, 10 жні — Sputnik. На 11 пляжах сталіцы купанне абмежавана або забаронена, паведамілі ў санітарна-эпідэміялагічнай службе горада.
Забаронена купацца на пяці пляжах: №1,8,9 вадасховішча "Заслаўскае", №2 вадасховішча ў Драздах, №1 на Камсамольскім возеры.
Прыпынена купанне (без уліку заняткаў усімі відамі воднага спорту) таксама на пяці пляжах: №5-8 вадасховішча "Дразды" №6 — вадасховішча "Заслаўскае".
Часова абмежаваныя водныя працэдуры для дзяцей (без абмежавання дарослых і заняткаў усімі відамі воднага спорту) на пляжы №4 вадасховішча "Крыніца".
Прычынай абмежаванняў карыстання пляжамі сталі мікрабіялагічнай паказанні (перавышэнне ўтрымання коліморфных бактэрый).
Усяго ў сталіцы зацверджаны 5 зон рэкрэацыі і 21 пляж: "Заслаўскае" — 8 пляжаў (№№ 1,2,3,4,5,6,8,9), "Крыніца" — 2 (№№ 3,4), "Дразды" — 5 (№№ 2,5,6,7,8), "Цнянскае" — 5 (№№ 1,2,3,4,5), "Камсамольскае возера" —1 (№ 1).
Як паведамілі ў санітарна-эпідэміялагічнай службе, праверка месцаў масавага адпачынку насельніцтва каля вадаёмаў праводзіцца штотыдзень.
