МІНСК, 15 жні — Sputnik. Міністэрства адукацыі паказала вокладкі школьных дзённікаў на новы навучальны год. Фота былі апублікаваныя на сайце ведамства.
З новага — на вокладках амаль усіх дзённікаў з'явіўся лагатып II Еўрапейскіх гульняў-2019, да якіх рыхтуецца Мінск. Убачыць яго можна як на пярэднім, так і адваротным баку дзённікаў.
Самі вокладкі выкананы ў розных тэматыках. Традыцыйна намаляваная беларуская прырода і помнікі архітэктуры. Некаторыя вокладкі ўпрыгожаны гарадскімі краявідамі, у ліку якіх раён Нямігі ў Мінску.
Дзённікі ў гэтым годзе будуць друкаваць адразу некалькі друкарняў, якія знаходзяцца ў Мінску, Брэсце, Барысаве, Гародні, Гомелі, Магілёве і Маладзечне. Міністэрства паведаміла, што вокладкі ўжо ўзгодненыя.
Выкарыстоўваць надрукаваныя за мяжой дзённікі або надрукаваныя "прыватнікамі" не дазваляецца.
Поўны пералік дзённікаў, зацверджаных да 2018/2019 навучальнага года, можна паглядзець на сайце Мінадукацыі.
