МІНСК, 18 жні — Sputnik. Былы генеральны сакратар ААН, лаўрэат Нобелеўскай прэміі міру Кофі Анан памёр у суботу ў Швейцарыі пасля нядоўгай хваробы, пра гэта паведамілі прадстаўнікі яго фонду ў Twitter.
It is with immense sadness that the Annan family and the Kofi Annan Foundation announce that Kofi Annan, former Secretary General of the United Nations and Nobel Peace Laureate, passed away peacefully on Saturday 18th August after a short illness… pic.twitter.com/42nGOxmcPZ
— Kofi Annan (@KofiAnnan) 18 августа 2018 г.
Пра тое, што 80-гадовы Кофі Анан пайшоў з жыцця, паведамілі СМІ яго памочнікі. Па іх словах, ён памёр пасля непрацяглай хваробы.
Кофі Анан нарадзіўся 8 красавіка 1938 года ў Гане ў арыстакратычнай сям'і. Ён атрымаў адукацыю ў Масачусецкім тэхналагічным універсітэце. Працаваў у Сусветнай арганізацыі аховы здароўя, а пасля — у структурах ААН.
Пасаду генеральнага сакратара ААН Кофі Анан займаў з 1997 па 2006 год. Ён быў першым цемнаскурым, які заняў гэтую пасаду. У 2001 годзе ён атрымаў Нобелеўскую прэмію міру за гуманітарную дапамогу і за тое, што ён прыўнёс навізну ў працу ААН. Ён актыўна змагаўся з эпідэміяй ВІЧ і СНІД, якая ў той момант накрыла многія краіны афрыканскага кантынента.
Акрамя таго, экс-генсак быў спецыяльным пасланнікам арганізацыі ў Сірыі і прыкладаў вялікія намаганні па пошуку мірнага рашэння ўзброенага канфлікту.
