МІНСК, 22 жні — Sputnik. Барысаўскі футбольны клуб БАТЭ саступіў галандскаму ПСВ у матчы плэй-оф раўнда кваліфікацыі Лігі чэмпіёнаў УЕФА, паведамляе Sputnik.
Сустрэча адбылася ў аўторак на "Барысаў-Арэне" і завяршылася з лікам 3:2 на карысць гасцей.
У складзе пераможцаў адзначыліся Гастон Перэйра (35-я хвіліна, пенальці), Ірвінг Ласана (61) і Доніэл Мален (89). У БАТЭ галы ў свой актыў запісалі Яссэ Тоумінен (9) і Аляксандр Глеб (88).
Паядынак у адказ каманды правядуць праз тыдзень, 28 жніўня, на стадыёне "Філіпс" у Эйндховэне.
Пераможца двухматчавага супрацьстаяння выступіць у групавым раўндзе Лігі чэмпіёнаў, а той, хто прайграе — у групавым этапе Лігі Еўропы.
Глеб забіў упершыню за тры гады
Матч супраць ПСВ, нягледзячы на паражэнне, усё ж змог парадаваць заўзятараў БАТЭ. Узяццем варот вызначыўся хаўбек барысаўчан Аляксандр Глеб. Цікава, што гэты гол стаў для паўабаронцы першым за тры гады і тры месяцы.
У апошні раз 37-гадовы Глеб забіваў у маі 2015 года ў складзе "Генчлербірлігі". Тады ён патрапіў у вароты "Газіянтэпе" ў чэмпіянаце Турцыі.
Пасля матчу супраць ПСВ галоўны трэнер "жоўта-сініх" заявіў, што не збіраецца "выкідваць белы сцяг".
