МІНСК, 22 жні — Sputnik. Фільм "Гонка кантынентаў" увайшоў у спіс фінальных конкурсных работ міжнароднага фестывалю The Cannes Corporate Media & TV Awards, паведамілі ў прэс-службе прадпрыемства.
На штогадовым фестывалі ў Канах уручаюцца ўзнагароды лепшым у свеце карпаратыўным фільмам, анлайн-выданням і дакументальным фільмам. "Гонка кантынентаў" прадстаўлена ў дзвюх намінацыях: "Галоўны карпаратыўны фільм" і "Унутраныя камунікацыі".
Карпаратыўны фільм БелАЗа здымаўся новасібірскай кампаніяй LBL-Production да юбілею прадпрыемства, якому ў верасні спаўняецца 70 гадоў. Святкаванне юбілею пройдзе 28-29 верасня.
Пераможцы фэсту стануць вядомыя 27 верасня.
У роліку паказана тэхніка БелАЗа, якая працуе ў розных кліматычных умовах, пачынаючы ад Кузбаса, дзе тэмпература можа апускацца да мінус 50, да Паўднёва-Афрыканскай Рэспублікі, дзе бывае да плюс 50.
