МІНСК, 22 жні — Sputnik. Рэжым працы кафэ і рэстаранаў на адрамантаваных нядаўна вуліцах Камсамольскай і Рэвалюцыйнай будзе перагледжаны. Старшыня Мінгарвыканкама Андрэй Шорац распарадзіўся правесці сустрэчу з уладальнікамі ўстаноў грамадскага харчавання, каб абмеркаваць з імі нязручнасці, якія дастаўляе шумная музыка і кампаніі жыхарам раёна.
На шум паскардзіліся жыхары дамоў, размешчаных ля адкрытай у канцы чэрвеня пешаходнай зоны на вуліцах Камсамольскай і Рэвалюцыйнай. Пра свае праблемы яны распавялі Шорцу падчас выязнога прыёму ў будынку адміністрацыі Цэнтральнага раёна.
"Я лічыў, што мы прадугледзелі ўсе магчымыя варыянты, каб не пагоршыць умовы пражывання. Але, як відаць, ёсць яшчэ пытанні — і калонкі, і праца музыкаў пасля 23:00, і нежаданне некаторых наведвальнікаў выконваць правілы паводзін. Думаю, навядзем парадак, каб усім было камфортна", — цытуе Шорца агенцтва БелТА.
Акрамя таго, прынята рашэнне дэмантаваць калонкі з фасадаў будынкаў у раёне пешаходнай зоны.
