МІНСК, 28 жні — Sputnik. Сярэбраны кішэнны гадзіннік, які належыў мігранту з Беларусі, прадалі на амерыканскім аўкцыёне за 57 500 долараў.
Хранометр належыў 34-гадоваму віцябчаніну Сінаю Кантару, які разам з жонкай знаходзіўся на сумна вядомым караблі "Тытанік". Жонка Сіная Мірыям крушэнне карабля перажыла, а сам мужчына загінуў. Яго цела было знойдзена, а гадзіннік і іншая маёмасць былі перададзеныя яго сям'і.
На цыферблаце кішэннага гадзінніка дыяметрам 76,2 міліметра нанесеныя літарныя малюнкі лічбаў на іўрыце, на адваротным баку выгравіраваны Майсей, які трымае скрыжалі з запаветамі. Корпус выраблены з латуні з сярэбраным пакрыццём.
Titanic victim’s Hebrew-letter watch sells for $57,500 https://t.co/uuCdhWSZk3 pic.twitter.com/wJs0kCgrtf
— The Times of Israel (@TimesofIsrael) 26 августа 2018 г.
На аўкцыён Heritage Auctions іх выставіў нашчадак Мірыям.
Лот карыстаўся вялікай папулярнасцю, таму яго кошт яшчэ да пачатку таргоў вырас да 34 тысяч долараў. У выніку гадзіннік быў прададзены амаль у тры разы даражэй першапачаткова заяўленай ацэнкі.
Хранометр набыў калекцыянер Джон Міатэль, які з'яўляецца кіраўніком Miottel Museum у Каліфорніі. Раней ён ужо набываў гадзіннікі, якія належылі іншым ахвярам "Тытаніка", у тым ліку палкоўніку Джону Джейкабу Астару — самаму багатаму пасажыру і самаму багатаму чалавеку ў ЗША на момант затаплення, а таксама гадзіннік, уладальнікам якога быў супрацоўнік паштовай службы лайнера Оскар Вудзі.
"Гэта зойме адно з галоўных месцаў у нашай калекцыі", — сказаў калекцыянер пасля таго, як набыў лот.
З патанулага лайнера было прададзена нямала прадметаў. Самым дарагім з іх стала скрыпка, на якой гралі ў той час, калі карабель тануў. У 2013 годзе яе купілі за 1,45 мільёна долараў.
