ВІЦЕБСК, 29 жні — Sputnik. На якія грошы могуць разлічваць сем'і, як размяркоўваюцца дабрачынныя сродкі і чаму бацькі не хочуць афішаваць свой удзел у акцыі, расказала карэспандэнту Sputnik старшыня Віцебскай абласной арганізацыі Беларускага Таварыства Чырвонага Крыжа Галіна Желанава.
Пастаянная акцыя
Штогод перад первым сентября Беларускае Таварыства Чырвонага Крыжа праводзіць дабрачынную акцыю "Дзеці ідуць у школу". У яе рамках па ўсёй краіне праходзіць збор сродкаў для малазабяспечаных сем'яў на куплю неабходных для вучобы тавараў. У гэтым годзе колькасць спонсараў і людзей, якія хочуць дапамагчы, павялічылася.
"Зборы ў школу — клапотнае і выдатковае занятак. Не кожная сям'я можа набыць усё неабходнае. У гэтым годзе мы вырашылі аказваць дапамогу адрасна, ахопліваючы найбольш неабароненыя слаі насельніцтва — шматдзетныя сем'і, бацькоў з дзецьмі-інвалідамі, маці-адзіночак. Таксама мы дапамагаем сем'ям, чый статус вызначаецца, як сацыяльнанебяспечны", — распавяла старшыня Віцебскай абласной арганізацыі Беларускага Таварыства Чырвонага Крыжа Галіна Желанава.
Чырвоны крыж сумесна з Абласным цэнтрам неўралогіі і Абласным дзіцячым клінічным цэнтрам запусцілі праект "Разам супраць дзіцячага траўматызму", накіраваны на дапамогу дзецям з няшчасных сем'яў. Бо ў апошні час, асабліва ўлетку, усё часцей сталі появлятся навіны пра хлопцаў, якія трапілі пад колы аўтамабіля, выпалі з вакна, ці застаўшыся без нагляду бацькоў выпілі якую-небудзь бытавую хімію.
Больш партнёраў — больш дапамога
Звесткі аб сем'ях, якія знаходзяцца ў цяжкім становішчы, падалі валанцёрам сацыяльныя органы, а спонсары дапамаглі павялічыць аб'ёмы дапамогі. Многія віцебскія прадпрыемствы і кампаніі далучыліся да акцыі, перадаўшы дзецям панчошна-шкарпэткавыя вырабы, школьныя прыналежнасці, спартыўны інвентар.
"Сумесна з партнёрамі мы атрымалі грант ад Глабальнага фонду. Наогул у гэтым годзе мы вырашылі адысці ад стандартнага набору школьніка і пачалі аказваць індывідуальную дапамогу — разам з бацькамі складаем спіс неабходных рэчаў для кожнага дзіцяці", — патлумачыла старшыня.
Сума, на якую можа разлічваць сям'я — 200 беларускіх рублёў на аднаго школьніка. Як адзначылі ў арганізацыі, сем'ям, якія жывуць у нястачы, стараюцца дапамагчы і простыя людзі, якія прыносяць вопратку і неабходныя прыналежнасці.
"Спонсарская дапамога, безумоўна, важная, але без насельніцтва мы б не змаглі ахапіць вялікую колькасць людзей. Напрыклад, у Наваполацку старшыня гарадской арганізацыі Беларускага таварыства Чырвонага Крыжа Людміла Лашкова сумесна з гараджанамі дапамагае не толькі гораду, але і найбліжэйшым раёнам", — адзначыла Желанава.
Рэспубліканская акцыя, вынікі якой будуць вядомыя толькі ў першых чыслах верасня, працягваецца. Днямі прадстаўнікі Чырвонага Крыжа наведалі Гарадок, дзе дапамаглі некалькім сем'ям. Як адзначаюць у арганізацыі, сям'і, якія стаяць на ўліку і якія атрымліваюць дапамогу да новага навучальнага года, з удзячнасцю ставяцца да валанцёраў, але афішаваць свой удзел у акцыі не хочуць.
"Мы рэдка запрашаем на сустрэчы прадстаўнікоў СМІ, бо бацькі ў асноўным не гатовыя адкрыта казаць аб сваім сацыяльным становішчы, хоць мы вельмі ўдзячныя розным інфармацыйным пляцоўкам, дзякуючы якім маштабы акцыі значна павялічыліся", — падагульніла Желанава.
