МІНСК, 4 вер — Sputnik. Падлетак з Мінска Данііл Мурашкоўскі прайшоў у шоу "Танцы" на расійскім тэлеканале ТНТ, паведамляе Sputnik.
"Танцы" — адно з самых папулярных шоу на расійскім тэлеканале. У праекта шматмільённая аўдыторыя, і шмат хто з удзельнікаў конкурсу становіцца сапраўднымі зоркамі сцэны.
У мінулыя выхадныя стартаваў пяты сезон "Танцаў" — цяпер праходзіць адбор удзельнікаў. Члены журы вырашаюць, хто з прэтэндэнтаў будзе працягваць шлях у праекце, а хто — не. Сярод канкурсантаў быў і 16-гадовы мінчанін Данііл Мурашкоўскі.
Па выніках кастынгу ў Ніжнім Ноўгарадзе суддзі сказалі Даніілу "так" — гэта значыць, ён будзе далей удзельнічаць у папулярным праекце. Дарэчы, у пятым сезоне "Танцаў" ён будзе адным з самых маладых канкурсантаў.
Пра Данііла вядома тое, што ён займаецца ў цэнтры сучаснай харэаграфіі SmartDance з 11 гадоў. Танчыць мадэрн, джаз, кантэмпарары і хіп-хоп. У яго, нягледзячы на ўзрост, ужо шмат дасягненняў: юнак быў фіналістам Чэмпіянату Еўропы па мадэрну ў 2016 годзе, бронзавым і срэбным прызёрам Чэмпіянату Беларусі ў мінулым годзе.
Як складзецца далей лёс Данііла на праекце, можна будзе сачыць у наступных выпусках тэлешоу.
