Напярэдадні, 3 верасня, пра тое, як праходзіла залічэнне дзяцей у першыя класы школ і гімназій, распавялі ў Міністэрстве адукацыі краіны. Па словах чыноўнікаў, якіх-небудзь скаргаў не зарэгістравана ні ў профільным ведамстве, ні ў Камітэце дзяржаўнага кантролю.
Як раней паведамляў Sputnik, парадак прыёму дзяцей у гімназіі ў Беларусі зведаў шэраг змяненняў з пачатку гэтага навучальнага года. Залічэнне ўпершыню адбывалася па адрасе рэгістрацыі, а пры паступленні ў пятыя класы больш не патрабавалася здаваць экзамены.
Заявы бацькоў аб залічэнні дзіцяці ў гімназію не па месцы рэгістрацыі задавальняліся пры наяўнасці свабодных месцаў пасля асноўнага набору і на меркаванне кіраўніцтва ўстановы адукацыі.
Поўную версію размовы з настаўнікам вышэйшай катэгорыі, вядомым рэпетытарам Яўгенам Ливянтом у праграме "Гарызонт падзей" на радыё Sputnik Беларусь глядзіце на відэа.
