Сабаленка вельмі злуецца на сябе з-за вылету з US Open

© REUTERS / Geoff BurkeБеларуская тэнісістка Арына Сабаленка
Беларуская тэнісістка Арына Сабаленка - Sputnik Беларусь
Падпісацца на
НовостиTelegram
Тэнісістка ўпэўнена, што трэба думаць пазітыўна, "а не лунаць думкамі ў будучыні або мінулым".

МІНСК, 4 вер — Sputnik. Беларуская тэнісістка Арына Сабаленка заявіла, што вельмі злуецца на сябе за няўдалы выступ на Адкрытым чэмпіянаце ЗША (US Open), паведамляецца на сайце wtatennis.com.

Беларуская тэнісістка Арына Сабаленка - Sputnik Беларусь
Арына Сабаленка завяршыла выступленне на US Open

Першая ракетка Беларусі напярэдадні завяршыла барацьбу ў адзіночным і парным разрадах на турніры Вялікага шлема ў Нью-Ёрку. У 1/8 фіналу "адзіночкі" Сабаленка саступіла японцы Наомі Осака, а затым у тандэме з кітаянкай Се Шувэй не змагла прабіцца ў чвэрцьфінал парнага разраду, прайграўшы бельгійска-галандскаму дуэту Элізы Мёртанс/Дэмі Схюрс.

"Часам у цябе здараецца дрэнны дзень, часам — добры. Сёння не лепшы дзень для мяне, нават у пары. Я не паказала добрага тэніса і вельмі зла на сябе за гэта. Трэба ўсё абавязкова абдумаць…" — сказала Сабаленка.

Спартсменка адзначыла, што за дзве гадзіны да матчу ў парным разрадзе яна "проста шалела", калі трэнер спрабаваў яе наладзіць на хуткую гульню. "Я думала аб страчаных шанцах. Я была так зла, так зла. Мой фізіятэрапеўт зрабіў усё, што мог, але ў мяне зусім не было сіл. Не было сіл нават вымавіць нешта — мы нават не размаўлялі", — дадала Сабаленка.

Трэба думаць пазітыўна

Наперадзе, па словах тэнісісткі, няпростыя дні. "Мне трэба вучыцца, як падаваць у матчах, у якіх я вяду ў ліку, даганяю. Я павінна змагацца за кожнае ачко, а не думаць пра нешта адно. Трэба жыць бягучым момантам, а не лунаць думкамі ў будучыні або мінулым", — працягнула тэнісістка.

Яна падкрэсліла, што неабходна факусавацца на пазітыўных момантах, а не думаць аб дрэнным. "Трэба цвёрда ўразумець: у мяне заўсёды ёсць шанцы, я магу зрабіць "камбэк" у любой гульні", — сказала на заканчэнне Сабаленка.

Стужка навiн
0