Відэа

"Гэта вёска, тут некалі спаць": Карпанаў праспяваў пра малую радзіму

Падпісацца
Карпанаў сцвярджае, што ён адзіны беларускі артыст, які ніколі не хаваў вясковых каранёў. Глядзіце новы кліп гурта "Дрозды" на Sputnik.

Музыкант Віталь Карпанаў з гурта "Дрозды" прачытаў рэп пра малую радзіму і выпусціў на яго кліп. Ён прызнаўся, што ў дзяцінстве баяўся назаўжды застацца ў вёсцы. Зараз стаўленне артыста да малой радзімы змянілася, і да яе ён адчувае цёплыя пачуцці. Спявак называе сябе адзіным у Беларусі артыстам, які ніколі не саромеўся казаць пра свае карані.

Яны любяць бульбу: самы шчыры кліп байнета - Sputnik Беларусь
Відэа
Яны любяць бульбу: самы шчыры кліп байнета

Віталь Карпанаў нарадзіўся ў Валожынскім раёне, але кліп здымалі на мінскай вуліцы Кастрычніцкай, у масоўку паклікалі прыхільнікаў творчасці музыканта.

"Рэп — гэта вулічная гісторыя, вясковага рэпу не было. Калі б я запісаў яго ў сапраўднай вёсцы, каля трактароў, было б занадта смешна. Таму тэкст песні пра адно, а карцінка звыклая для рэп-культуры", — растлумачыў ён выбар лакацыі.

Жаданне напісаць пра вёску Карпанава наведвае кожную вясну. Ён кліча гэта аграпрарывам, да якога іншыя ўдзельнікі групы ставяцца з сарказмам або іроніяй. Гэтай вясной музыка вырашыў паспрабаваць сябе ў нязвыклым жанры рэпу.

"У маладосці мне было страшна застацца ў вёсцы, не стаць нікім. Сена, салома, каровы гэтыя. А калі ен вырасце, нічога лепей няма, чым прыехаць туды. Цяпер я жыву ў Мінску, мы з групай гастралюем, і, калі я прыязджаю, адчуваю цёплыя пачуцці", — сказаў Карпанаў.

Стужка навiн
0