МІНСК, 6 вер — Sputnik. Выставу "Фарбы дыпламатыі" прадставілі ў Нацыянальным гістарычным музеі дарадца пасольства Эквадора па культурным супрацоўніцтве Пэдра Вальдывьеса і яго беларускі настаўнік Юры Падолін.
Так Беларусь і Эквадор адзначылі дваццаціпяцігоддзе з моманту ўстанаўлення дыпламатычных адносін. У музеі ў гэты дзень гучала эквадорская музыка ў выкананні струннага квартэта, а ўсім гасцям выставы ўручылі пунсовыя ружы. Адным словам, панавалі венесуэльскія фарбы і культурная дыпламатыя.
З дацэнтам кафедры манументальнага жывапісу Падоліным эквадорац пазнаёміўся выпадкова на выставе. Так пачалося іх супрацоўніцтва, якое доўжыцца ўжо тры гады і якое змяніла абодвух.
"Ён навучыў мяне не саромецца жывых адносінаў да колеру. Трэба больш адкрыта выплюхваць эмоцыі на палатно, як яны гэта робяць. Дзесьці, можа быць, занадта імпульсіўна і адкрыта, але жаданне паказаць яркае прыгожае жыццё ў іх пераважае — нават у нацюрмортах", — распавёў Падолін.
Вальдывьеса ўпершыню ўзяў пэндзаль у рукі ў Беларусі і пераняў акадэмічную школу беларускага жывапісу. Ён з задавальненнем вучыўся правільнаму вядзенню лініі, і гэта кажа аб прафесійнай падрыхтоўцы мастака.
"Гэтыя працы тэхнічна вытрыманы і будуць жыць", — упэўнены беларускі калега эквадорца.
Па словах Падоліна, натхніць эквадорцаў можа ўсё, у чым шмат любові і колеру. Яшчэ адна ўпадабаная тэма яго работ — жанчыны, і гэта складана не заўважыць, вывучыўшы карціны. Сам Падолін не хавае — яму гэтыя тэмы таксама блізкія.
"Я такі ж зямны чалавек", — смяецца мастак.
На некаторы час дыпламатыя ператварылася ў мастацкі жэст. Наведаць выставу, на якой прадстаўлены работы Падоліна і Вальдывіеса, а таксама фотаработы мастакоў з Эквадора, можна з 6 па 18 верасня. Мастакі ўпэўненыя, што, нягледзячы на рознасць традыцый і менталітэтаў нашых краін, у беларусаў і эквадорцев ёсць шмат агульнага.
