МІНСК, 6 вер — Sputnik. Некалькі прыпынкаў грамадскага транспарту ў Мінску будуць пераназваныя з 17 верасня, паведамілі ў чацвер у ГУ "Сталічны транспарт і сувязь".
Новыя назвы прыпынкаў замацаваныя рашэннем сталічных уладаў яшчэ 2016 года, аднак пераназываюць іх паступова.
Так, чарговы этап змены назваў прыпынкаў адбудзецца ўжо з 17 верасня. Як паведамілі ў ДУ "Сталічны транспарт і сувязь", замест прыпынку "Дражня" на вуліцы Ваўпшасава прыпынак будзе называцца "Ваўпшасава, 33".
Прыпынак "Серабранка" на вуліцы Малініна ў напрамку праспекта Ракасоўскага пераймянуюць у "Парк Грэкавай", а "14-ы кіламетр" на Смілавіцкім тракце — у "Смілавіцкі тракт".
Замест прыпынку "Аўтавакзал "Усходні" на вуліцы Трасцянецкай у напрамку другога Веласіпеднага завулка з'явіцца "Трасцянецкая".
Папярэдні этап перайменавання прыпынкаў грамадскага транспарту адбыўся 1 верасня, да гэтага назвы мянялі з пачатку жніўня.
