МІНСК, 7 вер — Sputnik. Прэм'ера оперы "Саламея", запланаваная на 9-10 верасня гэтага года, перанесена, паведамілі Sputnik у Вялікім тэатры Беларусі.
Вялікі тэатр планаваў пачаць чарговы тэатральны сезон гучнай прэм'ерай — операй "Саламея" Рыхарда Штраўса, пастаўленай рэжысёрам Міхаілам Панджавідзэ. Як аказалася, у афішы опернага ўводзяцца змены.
"9-10 верасня прэм'ера "Саламеі" не адбудзецца. Але яна не зачыняецца, а пераносіцца. Тэатральны сезон пачнецца з балета "Шехеразада" 11 верасня", — распавялі ў Вялікім тэатры.
Пра прычыны пераносу прэм'еры "Саламеі" ў тэатры не паведамляюць. Шырока разрэкламаваная ў горадзе опера выклікала вялікую цікавасць у аматараў тэатра. Крыху пазней сталі вядомыя даты, на якія перанесена опера: набытыя на 9 і 10 верасня квіткі будуць сапраўдныя для пастановак, якія пройдуць 18 і 19 кастрычніка.
Нягледзячы на тое, што на пастаноўку даў блаславенне мітрапаліт Павел, некаторы час таму ў інтэрнэце з'явіўся адкрыты ліст на адрас Адміністрацыі прэзідэнта і Генпракуратуры, а таксама Святога Сінода Беларускага Экзархата Маскоўскага Патрыярхата Рускай Праваслаўнай царквы, у якім "Саламею" называюць выклікам і блюзнерствам, а таксама абразай пачуццяў вернікаў. Сярод аргументаў — тое, што прэм'ера блізка да дня адсячэння галавы Іаана Хрысціцеля.
Упершыню пастаўленая ў 1905 годзе ў Дрэздэне, "Саламея" была забаронена Сінодам Рускай праваслаўнай царквы. Упершыню ў СССР яе паставілі ў 1924 годзе ў Марыінскім тэатры.
