Dual SIM, і то не ўсюды: Apple прадставіла новыя iPhone

© REUTERS / STEPHEN LAMПрэзентацыя ў Куперціна
Прэзентацыя ў Куперціна - Sputnik Беларусь
Падпісацца
Калі дакладна пачнецца продаж новых прылад у Беларусі, пакуль не вядома.

МІНСК, 13 вер — Sputnik. Амерыканская кампанія Apple на штогадовай вераснёвай прэзентацыі ў Куперціна паказала свае новыя смартфоны — iPhone Xs і iPhone Xs Max, а таксама iPhone Xr.

Дыяганаль экрана iPhone Xs — 5,8 цалі, iPhone Xs Max — 6,5 пры раздзяляльнай здольнасці 2,7 мільёна пікселяў. iPhone Xr з'яўляецца спрошчанай мадэллю — у смартфона 6,1-цалевы IPS-экран, толькі адна камера (12 мегапікселяў) і корпус з алюмінія.

Новы iPhone Xs абсталяваны электроннай сім-картай, што дасць магчымасць выкарыстоўваць функцыю дзвюх сім-карт Dual-SIM, а таксама дасць магчымасць пераходзіць на розныя тарыфныя планы. Смартфон з двума паўнавартаснымі слотамі для сім-карт анансаваны толькі для кітайскага рынку.

Вонкава новыя мадэлі iPhone істотна не змяніліся, яны па-ранейшаму маюць сістэму распазнання твараў Face ID, якая, як запэўніваюць распрацоўшчыкі, будзе працаваць яшчэ хутчэй.

© REUTERS / STEPHEN LAMНа прэзентацыі новых мадэляў смартфонаў Apple
Dual SIM, і то не ўсюды: Apple прадставіла новыя iPhone - Sputnik Беларусь
На прэзентацыі новых мадэляў смартфонаў Apple

У прыладах усталяваны новы чып А12 Bionic з 6-ядзерным цэнтральным і 4-ядзерным графічным працэсарамі, а таксама "нейрон рухавічком". Чып дазваляе праводзіць пяць трыльёнаў аперацый у секунду.

Максімальны аб'ём памяці новых смартфонаў — 512 Гб. Акрамя таго, новыя гаджэты абаронены ад траплення вільгаці, што даўно ўжо стала мэйнстрымам у вытворцаў смартфонаў.

У Куперціна ў сераду была прадстаўлена і мадэль наручнага гадзінніка Apple Watch: ён можа сачыць за сэрцабіццем уладальніка, а таксама здольны выклікаць дапамогу, калі ён упаў і працяглы час не ўстае. У Apple Watch з'явілася функцыя складання электракарыёграмы і апавяшчэння ўладальніка ў выпадку выяўлення адхіленняў у ёй.

© REUTERS / STEPHEN LAMНовы гадзіннік Apple Watch
Dual SIM, і то не ўсюды: Apple прадставіла новыя iPhone - Sputnik Беларусь
Новы гадзіннік Apple Watch

Калі дакладна пачнуцца продажы новых прылад у Беларусі, пакуль не вядома. У Расіі старт продажаў вызначаны на 28 верасня, пры гэтым перадзамовы асобныя крамы бралі з прыблізным коштам у тысячу долараў за апарат.

Стужка навiн
0