МІНСК, 13 вер - Sputnik. Першая ракетка Беларусі Арына Сабаленка знялася з турніра ў кітайскім Гуанчжоу, паведамляе Tennis.Life.
Міжнародны турнір Guangzhou International Womens Open стартуе 17 верасня і завершыцца 22 верасня. Прызавы фонд - 220 тысяч долараў. У спаборніцтвах прымаюць удзел 32 тэнісісткі.
У чацвер стала вядома, што з турніру знялася Сабаленка.
Aryna Sabalenka, who headed to Quebec City this week after a busy hard-court summer and lost first round, has pulled out of Guangzhou next week.
— Tennis.Life (@tennislifenews) 13 сентября 2018 г.
20-гадовая беларуска пасля "Уімблдона" за сем тыдняў правяла шэсць турніраў, сярод якіх US Open. На Адкрытым чэмпіянаце ЗША Сабаленка дайшла да 1/8 фіналу, дзе прайграла будучай чэмпіёнцы японцы Наомі Асацы.
На гэтым тыдні прадстаўніца Беларусі пацярпела паражэнне ў першым крузе турніру ў канадскім Квебеку.
Зараз Сабаленка ў сусветным рэйтынгу займае 20-е месца.
