МІНСК, 14 вер — Sputnik. Прэзідэнт Беларусі Аляксандр Лукашэнка павіншаваў прэм'ер-міністра Расіі Дзмітрыя Мядзведзева з днём нараджэння, паведамілі ў пятніцу ў прэс-службе беларускага лідара.
Расійскаму прэм'еру Дзмітрыю Мядзведзеву ў пятніцу споўніўся 53 гады. З днём нараджэння у тэлефоннай размове з яго паспеў павіншаваць беларускі калега Сяргей Румас.
Віншаванні Мядзведзеву накіраваў і прэзідэнт Аляксандр Лукашэнка.
"Ваш несумненны арганізатарскі талент, велізарны досвед дзяржаўнага кіравання і стратэгічнае мысленне спрыяюць эфектыўнаму вырашэнню актуальных пытанняў развіцця Расійскай Федэрацыі і павышэнню яе аўтарытэту ў сусветнай супольнасці. Перакананы, што Вы будзеце і далей паслядоўна садзейнічаць умацаванню і пашырэнню шматпланавых беларуска-расійскіх сувязей, актывізацыі інтэграцыйнага ўзаемадзеяння паміж нашымі краінамі", — гаворыцца ў віншаванні.
Беларускі лідар пажадаў Мядзведзеву ажыццяўлення ўсіх планаў і пачынанняў, а таксама добрага здароўя, шчасця і дабрабыту.
Нягледзячы на дзень нараджэння, у Мядзведзева ў пятніцу звычайны працоўны дзень. Адзначыць свята ён, як і звычайна, у коле сваёй сям'і. У Дзмітрыя Мядзведзева і яго жонкі Святланы ёсць сын Ілля.
