МІНСК, 16 вер — Sputnik. Беларускі тэнісіст Ягор Герасімаў саступіў расіяніну Даніілу Мядзведзеву ў заключным пятым паядынку матчу першага круга плэй-оф I Еўра-Афрыканскай зоны Кубка Дэвіса ў Маскве.
Каманды Беларусі і Расіі да заключнай гульні падышлі з роўным лікам 2:2. Пераможца вызначыўся ў напружаным трохсэтавым паядынку Ягора Герасімава і Данііла Мядзведзева. У выніку перамогу сваёй камандзе прынёс Мядзведзеў.
Такім чынам, расійскія тэнісісты захавалі месца ў I групе Еўра-Афрыканскай зоны і пачнуць сезон 2019 года з першага раўнда. Беларусы ў кастрычніку 2018-га будуць змагацца са спартсмэнамі са Славакіі за захаванне прапіскі ў групе.
Нагадаем, у першы дзень матчу расіянін Карэн Хачанаў абыграў Ягора Герасімава, а беларус Ілля Івашка аказаўся мацней за Данііла Мядзведзева. У суботу беларуская каманда выйшла наперад дзякуючы перамозе дуэта Андрэй Васілеўскі — Максім Мірны ў парным разрадзе, але затым кошт зраўняўся — Карэн Хачанаў абыграў Іллю Івашку.
